తాత
పసి పిల్లల మొదటి పిలుపులలోతాత అనే పలుకు
ప్రధానమైనదైనా కావచ్చు
ద్వితీయమైనదైనా కావచ్చు
కానీ ఆ పిలుపు విని
ఆయన మది పాందే మైమరపు అద్వితీయమైనది
ఆయన కొడుకు గా రణ పెంకి
భర్త గా జగమొండి
తండ్రిగా చండశాసనుడు
అల్లుడిగా దశమ గ్రహమే కావాచు
కానీ తాతగా మైనపు ముద్ద
నాడు మ్రొక్కై వంగని వాడు మ్రానై వంగును నేడు
ఆయన మనవాలను
ఉప్పు మూటలంటూ
మోసే బానిసౌతాడు
ఛల్ ఛల్ గుర్రమౌతాడు
భౌ భౌ ,మ్యావ్ మ్యావ్ అంటూ
మనవల సంతోషం కోసం
దశావతారాలు దాలుస్తాడు
ఎవరైనా మనవణ్ణి తాత డిట్టో అంటే చాలు
నా బంగారు కొండ అని మురిసిపోతూ
మీసం మెలేస్తాడు
మనవలతో ఆటల పోటీ
టిఫిన్ వెరైటీ లలో పోటీ
అయినా ఆయనే ఆనందం గా ఒడి
గెలుపు ట్రోఫీని వాడికి అందిస్తారు
చెయ్యి తానూ అందించినా
చేయూత తన మనవడే నని తెలుసు
అదే భరోసా అదే ఆయన ఆశ
No comments:
Post a Comment