అమ్మ
పది మాసాలు మోసి
రక్త మాంసాలు పంచి
పెంచి ఉపిరి నిచ్చింది
అమ్మ
నే నవ్వితే నవరత్నాలు ఏరుకుంటుంది
నే నలత పడితే తానూ నలిగిపోతుంది
నే కలత పడితే తానూ కళోత్తుకుంటుంది
నే కడుపు నిండా తింటే తను త్రేస్తుంది
ముద్ద ముద్దను మురిపాలలో ముంచి తినిపిస్తుంది
గుండె కొండపై ఎక్కించి గుడిగంట కొట్టిస్తుంది
తన గుండె లోతుల్లో దేవుడికి
నా కోసం ముడుపులు కడుతుంది
తన ఎద చనుమాలలో
అమృతపు ఊతలు ఊరిస్తుంది
తన ఒడి తోటలో
ఉయలలూగిస్తుంది
తన అనుభవాల బడిలో
సుద్దు బుద్దులు దిద్దిస్తుంది
ఎతెత్తి ఆటలు ఆడిస్తుంది
ఉతుత్తి కోపం నటిస్తుంది
నా రేపటికి
తన రేబవళ్ళను కలిపి కరిగిస్తుంది
నా భావికై తాను బాటలు వేస్తుంది
రాళ్లు ముళ్ళు ఏరి పూలు పరుస్తుంది
నేను కనబడక పోతే కలవరం
నా అభ్యున్నతే తనకు వరం
అమ్మ ప్రేమ తక్కెడ లో
క్రింది పళ్ళెం ఎప్పుడూ నాదే
No comments:
Post a Comment